渣馬過後沒有什麼凖備嘅一隻馬，報名時亦很突然，只知道去台中睇下櫻花順便跑下，抱著集郵心態，一試無妨。
呢個並不是什麼大賽，不過近年在運動筆記的評價甚高，冇expo，所以我地號碼布也是比賽前一個小時先攞到。新社離台中市中心約一個鐘車程，04:00有大會接駁車，05:00到步集合點（一間學校），06:00起跑。
一如既往，就算是旅跑，心情也十分緊張，前一晚都冇乜胃口，依舊貼下「休足」，令自己感覺好D。天氣不似預期嘅「20%降雨率」，一出門已經微雨，加上冷鋒，到步後更下大雨，成身濕透，心情簡直跌至谷底。
（圖片來源：Step）
（圖片來源：Step）
因為太冷同下雨，05:55 在一片混亂之中上缐，竟然仲可以企得好前。頭幾K在民居跑，大部分是平路，但唔多街燈，跑嘅時候步步為營。之後見到「XX山莊」、「XX香菇園」，感覺好似之前去清境那種山區，心知不妙，要跑上山呀！正在不斷咒罵蝦叔之際，就見到好靚嘅雲海，平時比賽我唔會停低影相，但今次真是難得一見，之後繼續往上走，又見到一道花牆，同埋一個好多水果嘅補給站，心情頓時輕鬆了。
（圖片來源：Step）
（圖片來源：Step）
好景不常，係半馬同全馬分叉位（約9K），全馬的又要上大斜，心想點解我唔係報半馬，上上上，突然大落斜，左腳隱隠痛，只好不斷提自己唔好急，又怕後面嘅人衝落嚟。有落一定有上，不斷落左成3K先見到折返處。望住條大斜，心裏只想到要等幾耐先有巴士掃我上車! 只好死死地，跑下行下，好大霧，好沮喪，好無奈。
（圖片來源：Step）
（圖片來源：Step）
頭20K 就咁完結了，蝦叔話後半係堅路跑，其實我已經用了大部分氣力，心跳長期處於高位，心想，盡力而為，唔好dnf。一路上見到好多櫻花，也多了民間打氣同補給，有楊桃、芭樂、魚旦湯、燒牛肉、蘿蔔糕、餅乾.......
（圖片來源：Step）
（圖片來源：Step）
後半路段在鄉村地區跑，途中經過賞櫻景點、花田丶同民居，路線有點重複，跑到30K位又有大暗斜，突然覺得渣馬不是什麼魔鬼賽道了。不停叫自己慢慢跑食下野好快到，其實去到尾5K已經有點飽，只能飲水。由於頭41K都好似短左，最後的1.195K其實差不多有2K，最後仲要跑多400米。第一次沒有看時間的比賽，最後5:16完成。
（圖片來源：Step）
今次呢隻算係難度高嘅一隻馬，跑嘅時候心情起伏很大，要行上大斜會好唔開心，但見到靚景同市民熱情參與又覺得很難得。呢隻馬令我想起之前一本書，說運動维鍛練人生，幫助面前對人生必經階段：孤獨、逆境。「跑步令人謙卑」，並非指要畏首畏尾，而係了解自己侷限同缺點，是痛苦的，但也是一種學習。
順帶一提，來台中跑之後可以去下以下地方:
1）臺中國家歌劇院 》想台中 cafe
歌劇院除左設計特別，適合影想外，裡面也有好多特色小攤檔同展覽，茶道丶眼鏡丶家俬丶書丶日用品...... 之後仲搭車去附近cafe 食tea
（圖片來源：Step）
（圖片來源：Step）
2）旅跑逢甲大學
台中街跑有點困難，路面不平加車多，可去逢甲大學走走，內有運動場
（圖片來源：Step）
3 ) 宮原眼科 + 盛橋刈包 （在對面的）
熱門景點，一定要食雪糕同買手信呀！
（圖片來源：Step）
延伸閱讀
