喜歡跑步的原因

發表於2016/07/16
5,949次點閱
0人收藏
加入收藏
跑步係辛苦,咁辛苦嘅運動我由2013年參加某一個活動時,竟然愛上它。當時參加Nike women 跑5k,由尖沙咀Nike店跑到西九,之後跑返尖沙咀,未起跑之前已經心諗自己一定包尾,因為係我第一次跑,最後我竟然可以完成到5k,之前無諗過自己可以完成5k,我要多謝 Joey 嘅鼓勵。


2013年我人生第一個跑
(圖片來源:Natalie Lai)

2014年因為我手傷而無得跳舞,令到我重拾跑步,每次跑步都令我好開心,可以令我學識堅持,每一次跑步比賽,我唔係要拎獎,我只係想挑戰自己,可以完成到自己畀自已嘅目標。


(圖片來源:Natalie Lai)

跑步改寫咗我人生,我其實係一個好易放棄嘅人,跑步教識我唔好放棄,堅持落去一定會有出路,係跑步嘅世界入面,我唔係跑得特別好,但我總覺得只要堅持到底一定會成功。因為我喜歡跑步,雖然跑咗兩年多,腳已經有點傷,我總會對自己講:「只要我有一雙腳,我總會跑到老,跑到跑唔到為止。」


(圖片來源:Natalie Lai)

我跑步咁耐參加過既比賽中,最開心係其中有一次嘅比10k賽,我可以達成自己目標1個鐘內完成。我無諗過自己可以做到,只要對自己有信心就可以。

今年我參加咗人生第一個半馬,係雨中完成,雖然跑得時間唔太好,但我好感恩,我可以係大會指定時間完成。


(圖片來源:Natalie Lai)

好開心跑步嘅世界有身邊嘅一班朋友,佢地教識咗我好多嘢。

其實我好想同大家分享,我運動並唔叻,只係我真係好鐘意好鐘意運動,只要喜歡做,就會做落去,做到老。

編輯精選