運動筆記HK

運動筆記HK

寫網誌
傳照片
一個好怕北上的港女: 記清遠馬拉松2016
Stephanie Kwan 2016-03-22 21:20:42
511
1
檢舉
「冇乜事唔好叫我返大陸!」我好怕北上:要坐直通巴士,野食又唔啱,D人嘅文化我真係接受唔到......對上一次係幾年前去北京玩再之前已經冇乜印象。今次點解報清遠馬?又係蝦叔lor,我又係抱著「報到俾到錢先算」嘅心態,就踏上第一次大陸馬。呢次係我第二隻馬,有咗一個月前京都初馬經驗冇咁緊張。事前反而好奇呢個賽事會點,會唔會好落後。去咗官網望望,原來係第二屆,再望下D相,娘娘地,做足expectation management,所以亦唔係好想大事張揚。

近來都好多野忙,減碳加碳乜鬼忘記了,星期六到步後就去expo,救命啊!好鬼嘈,好似clubbing,再加上落雨,人都癲。可能大陸特色,唱歌、粵劇......但我真係頂唔順。再加上見到件大會tee,好似大莽蛇,瞓覺都唔會著佢。


佢細心安排了間靚酒店,行去起點都係15分鐘。當日又係超潮濕,呼吸困難,真係「完走」當贏,但我覺得唔係每隻馬一定氣氛好、天氣好,如果我能夠克服又升呢了。沿路見到參賽者有講有笑,好輕鬆,冇乜人cos play,仲有好多人著網蛇大會tee 。上線了,當然要聽聽領導嘅說話,但竟然好多人噓佢。最後我地只用約2分鐘就可以開始!



頭21K大部分都是平路,同半馬一起跑,沿路風景一般,一邊好大霧睇唔D乜,另一邊全是新樓盤或者地盤,氣氛係零,有幾位居民撑下場。補給只有水,仲要倒唔切,有時狠狠地成支攞走。一路跑其實有D緊張,天氣加上親戚到令我好攰,唯有望下其他人分散注意力。

之前對大陸人印象是粗魯同吐痰,今次我冇乜俾人批,亦冇人係我隔離「一呼一吸」,而吐痰的亦非常少。大部分人都沒有懶專業的穿搭,有部份著大媽顯瘦leggings、jogger pants、棉質長褲、leisure型波鞋,手持iphone,我一路走一路諗佢地好堅,同埋佢好認真同純樸。


不經不覺過21K, keep住7分頭pacing,但不斷會見到530同559 pacers 係附近,可以ignore。之後上鳳城大橋,只見霧同霧,個人好迷,開始辛苦啦。不過見到D人繼續跑,我都唔想停,好唔好都要捱過佢。


到了30K,依舊keep住7分頭,抆抆地可能sub5,我心裏不斷多謝我隻腳,冇痛啊 但奇怪的是佢好靜,見到佢好大汗......到差不多35K,佢話爆了,我有D怕,因為唔識處理,只能夠去攞水同野食,同埋幫佢拍餘下的路程。我跑下停下等佢,佢同我講唔好意思,我心諗有乜所謂,佢陪我咁多次,今次到我陪著你嘔la。我仲想如果唔係佢陪我跑,拖長了時間,佢未必會爆。唯有在餘下路程同佢不斷倒數......仲有200米,要分男、女衝線了,冇得一齊衝。唔緊要,呢D天氣好易出事,安全完走就好了!


其實大陸馬都不是太差,起碼有個刻咗名的finisher medal、有薑茶、闊而平坦的路、仲要唔駛請假。氣氛係冇,但也是一種鍛鍊 (其實我呢種港女也可以好有毅力㗎 )又一場開心完成的馬,期待下一次體驗


發言

熱門話題

發表主題
參與討論

請在此留下訊息,我們會盡快回覆您的問題